Tekst: G. van Eeghem

En de mèëdjes van Ghen-Heij oeët de Heuls of Goazewei,
die wachte op der nuuije Prins.
En de mèëdjes van “op Jans”,
Die houte ooch van sjans.
Joa, joa, die vrieje ooch mèr ins.
In jieëker peëdje, ’n anger mèëdje.
Biej jieëker pumke, ’n anger blumke.
Onger jieëker lemke, ’n anger vlemke,
dat is het leven van Prins Karneval!

Refrein:

Prins Karneval, doe haas de Heij vuur dich,
mè noa vasteloavend, bis doe alleen van mich.
Ammezeer os huuj mèr ins, dit joar bis du der Prins,
Alleen dees daag, klinkt ’t alaaf.
Ammezeer os huuj mèr ins, dit joar bis du der Prins,
Alleen dees daag, klinkt ’t alaaf.